top of page

مين أنا؟

أهم شغلات بتحدد هويتنا ،،، هي :

١- الأشياء اللي ولدت معنا و ما كان النا يد فيها ... متل مكان و وقت الولادة، ثقافة الاهل و معتقداتهن ، الجنس اللي ولدنا فيه. و معنى هالشي انو انا ولدت في سوريا ،،، أنثى لعائلة درزية . بآخر الثمانينات . مع بداية الانترنت.

انا ولدت، عربية ، درزية، سورية .. هالشي عطاني ثقافة حضارة بلاد الشام . بالاكل و الموسيقى و الارث الاجتماعي.

٢- التجارب اللي بنمر فيها،، و اللي ممكن تغير بعض الاشياء اللي مكان ولادتنا حددها و ربينا عليها. من اهم التجارب اللي مريت فيها. تجربة اني لا انتمي للإرث الإجتماعي اللي ولدت فيه. تجربة الحياة بين مكانين ،،، سوريا و الكويت .. و اني ما انتمي لأي مكان منهن. تجربة تكيس المبايض،، و النظام الرأس مالي في الطب. تجربة كون إمرأة بوقت تحرر المرأة ذهنيا، و هالشي انا كثير ممتنة الو . تجربة اني عيش ثورة و حرب و هجرة و غربة عن الوطن و اللي هيي تجربة تراما " ما بعرف شو بالعربي"،،التجارب كثيرة بس هي اهم الاشياء اللي خطرتلي هلق .

٣- الأشياء اللي بنختار نتعلمها و نشوفها من خلال منظورنا للحياة ،،، والأهداف اللي بنسعى الها ،،،، و هي الأخيرة دائما متغيرة ، و ما بتخلص،،، كل يوم بعيشو بتعلم شي و بناء ع هالمعلومات اهدافي بتتغير.



يمكن أصعب سؤال و أهم سؤال هو مين نحنا ،،،، و لشو بننتمي ،،، مش ك بلد ،،، بس ك فكر و معتقدات ،،، ما بحس انو اي اجابة ع هالسؤال بتشفي ،،، بس اليوم و هلق ،،، هي الإجابة منيحة.


انتي فيكي تجاوبي على هالسؤال ؟




11 views0 comments

Recent Posts

See All

Comments


bottom of page